VOV4.Êđê - Aguah mbruê, ti anôk bruă knŭk kna, Khua knŭk kna, khua kiă kriê dhar bruă ala čar kơ klei mlih mrô Phạm Minh Chính gĭt gai klei kƀĭn tal 3 mơ̆ng dhar bruă, čiăng ksiêm wĭt boh tŭ klei mlih mrô 6 mlan akŏ thŭn 2022 leh anăn bi klă dŭm hdră êlan, bruă klam mlih mrô hlăm hruê mmông kơ anăp. Êjai klei ruă tưp Covid-19 dleh dưi ksiêm dlăng, klei mlih mrô jing bruă năng mjêč mơ̆ng dŭm gưl, dhar bruă, dŭm alŭ wăl leh anăn mnuih ƀuôn sang, knơ̆ng bruă čiăng gang mkhư̆ klei ruă tưp mâo boh tŭ dưn leh anăn krŭ wĭt, mđĭ kyar bruă duh mkra ala ƀuôn.

Leh klei ruă tưp dưi ksiêm dlăng, bruă mlih mrô ăt lŏ jing mta kñăm, đru bi hmar bruă krŭ wĭt, mđĭ kyar kjăp bruă duh mkra ala ƀuôn, mkŏ mjing bruă duh mkra êngiê, čŏng pô, ñŭ knăm kluôm êlam, mâo boh tŭ dưn hŏng tar rŏng lăn. Hlăm klei kƀĭn anei, Khua knŭk kna mtă kơ phung bi ala čih yap klă mngač, bi klă hŏng klei čih klă klơ̆ng kơ bruă hluê ngă bruă klam hlăm hruê mmông êgao, čih yap dŭm bruă klam dưi jao hluê si hdră kčah thŭn 2022 mơ̆ng dhar bruă ala čar kơ klei mlih mrô leh anăn dŭm bruă klam dưi jap hlăm klei kƀĭn gưl êlâo mơ̆ng dhar bruă.

Y-Ƀel pô mblang