VOV4.Êđê - Aguah mbruê 14/9, Khua knŭk kna Phạm Minh Chính gĭt gai klei kƀĭn trông bi klă hdră čuăl mkă kluôm ênŭm ala čar wưng thŭn 2021-2030, hdră tă truh ti thŭn 2050. Blŭ hlăm klei kƀĭn, Khua knŭk kna Phạm Minh Chính mñă klă, bruă čuăl mkă mâo buh tŭ dưn yuôm bhăn, bi klă klơ̆ng hdră êlan klei kƀĭn prŏng tal 13 mơ̆ng Đảng, bi klă hdră mkŏ mjing ala čar hlăm wưng đĭ hlăm ênuk yang ƀuôn ngă phŭn, dŭm hdră mtrŭn mơ̆ng gưl dlông, boh nik jing hdră mtrŭn klei kƀĭn prŏng tal 13 mơ̆ng Đảng.

Anei jing gưl tal êlâo, Việt Nam ngă hdră čuăl mkă gưl ala čar kñăm ksiêm wĭt boh sĭt hŏng klei klă klơ̆ng, kluôm ênŭm, hluê anăn dưi tă hdră, pŏk sa wăl đĭ kyar mrâo kơ ala čar, pŏk klei găl mđĭ kyar, boh kdrŭt čiăng mâo dŭm mta kñăm, klei hmăi hmưi mơ̆ng hdră mtrŭn hlăm klei kƀĭn prŏng tal 13 mơ̆ng Đảng bi klă leh, truh ti thŭn 2045 jing ala čar đĭ kyar, mâo hnư hrui wĭt lu.

Y - Ƀel pô mblang