Blŭ hrăm hlăm klei kƀĭn trông, Khua knŭk kna Phạm Minh Chính mñă ktang 3 hrăm mbĭt, hrăm mbĭt mđing hmư̆ leh anăn thâo sang, hrăm mbĭt kah mbha hdră tă, thâo sang leh anăn ngă bruă, ngă hră mbĭt, tu hriăm mbĭt, hriăm mbĭt mâo klei dưi leh anăn đĭ kyar. Klei anei djŏ nanao êjai hluê ngă hŏng dŭm knơ̆ng bruă, ƀĭng hgŭm, mnuih ƀuôn sang.

Khua knŭk kna ktrâo klă, srăng lŏ dơ̆ng ksiêm dlăng, thâo klă boh sĭt hlăm alŭ wăl leh anăn tar rŏng lăn čiăng bi kjăp anôk mnia mblei mâo leh, pŏk mlar dŭm anôk mnia mblei mrâo, mgaih msir dŭm klei êdu kƀah, dŭm mta ala čar dôk čiăng, mgaih msir klei mkăp brei bruă mkra mjing tar rŏng lăn hŏng hdră mđĭ hnơ̆ng, bi kjăp anăn knăl, hnơ̆ng tŭ jăk mnơ̆ng dhơ̆ng, đĭ kyar mtah, mđĭ kyar mrô, bi mguôp kjăp plah wah hlăm lăn čar leh anăn êngao lăn čar, bi mguôp plah wah dŭm Phŭn bruă, dhar bruă, bi mguôp plah wah knŭk kna hŏng knơ̆ng bruă, mnuih ƀuôn sang hŏng klei bi kna, đru gui klei amâo mâo jăk.