Bi ala kơ knŭk kna, Khua knŭk kna Phạm Minh Chính čih yap, bi mni dŭm boh tŭ dưn mâo dŭm Phŭn, dhar bruă, alŭ wăl dưi mâo leh, boh nik jing 11 phŭn bruă, anôk bruă leh anăn 35 alŭ wăl mâo hnơ̆ng bruă čan lu hĭn hnơ̆ng kah knar lăn čar, boh nik jing dŭm čar kwar krah, đru mguôp yuôm bhăn hlăm klei mđĭ kyar bruă duh mkra ala ƀuôn wưng leh êgao. Khua knŭk kna mñă ktang, thŭn 2024 jing thŭn kdlưn hĭn hlăm klei brei čan duh bi liê bruă knŭk kna, mkŏ mjing tur knơ̆ng klei găl bi leh dŭm bruă klam mđĭ kyar bruă duh mkra ala ƀuôn thŭn 2024 leh anăn gĭr ktưn truh ti thŭn 2025, boh nik jing 3.000km êlan dơ̆ng pral.

Khua knŭk kna mñă kơ Phung khua phŭn bruă, khua dhar bruă, khua bruă sang čư êa gưl čar hluê ngă jăk dŭm hdră mtrŭn mơ̆ng knŭk kna, asăp mtrŭn mơ̆ng Khua knŭk kna  leh anăn dŭm hră mơar gĭt gai mơ̆ng khua gĭt gai knŭk kna kơ bruă mtrŭt mjhar klei mkăp brei, brei čan duh bi liê bruă knŭk kna thŭn 2024.