Hdră anei mâo boh dlông hlăm brô 519 km, hŏng ênoh bi liê êbeh 22.350 êklai prăk. Hdră bruă êlan klei pui 500kV 3 kdrêč mơ̆ng Quảng Trạch truh Phố Nối jing yuôm bhăn, hnơ̆ng pŏk ngă hdră bruă klă klơ̆ng ngă djŏ klei čiăng, ƀiădah hnơ̆ng bruă adôk lu, čiăng bi leh dŭm hdră bruă hlue si hdră kčah, Khua knŭk kna Phạm Minh Chính mtă kơ dŭm phŭn, dhar bruă, alŭ wăl lŏ dơ̆ng bi hgŭm, ktuê dlăng bruă djŏ tuôm, hmao msir mgaih klei gun  kpăk hlue si klei dưi, rơ̆ng djŏ hnơ̆ng leh anăn êđăp ênang, boh nih hlăm klei êđăp ênang mă bruă ti dŭm anôk bruă dleh dlan leh anăn hlăm wưng yan adiê mâo găl jăk.

Khua knŭk kna mñă klă, dŭm anôk bruă, alŭ wăl bi hgŭm kjăp leh anăn hŏng mnuih ƀuôn sang, anôk bruă duh mkra kyua hdră kñăm mbĭt, ñĕ kơ klei amâo jăk, ƀơ̆ng ngăn hlăm hdră pŏk ngă hdră bruă, hlăm ai tiê “mđing hmư̆, kah mbha, ngă bruă”, “hrăm mbĭt ngă tŭ dưn leh anăn srăng dưn”./.