Tlam mbruê 19/10, ti Cần Thơ, Khua Knŭk kna Phạm Minh Chính gĭt klei klei kƀĭn trông kơ boh sĭt bruă rŭ mjing dŭm bĭt êlan dơ̆ng êran pral alŭ wăl krĭng dap mnai krông Cửu Long. Ară anei hlăm alŭ wăl mâo 5 bĭt êlan dơ̆ng pral hŏng boh taih êbeh 200km mĭn tĭng bi leh hlăm thŭn 2025 rơ̆ng djŏ hdră kčah, dŭm klei dleh dlan, kpăk gun dưi ruh mgaih. Dua êlan dơ̆ng pral Cao Lãnh - Lộ Tẻ leh anăn Lộ Tẻ - Rạch Sỏi (hlăm brô 80km) srăng bi leh hlăm mlan 10 anei.

Dŭm phŭn, dhar bruă, alŭ wăl čŏng pô bi kna mnơ̆ng yua, ngă bruă ruh mgaih anôk ala, anôk dôk mrâo. Khua Knŭk kna mñă mơ̆ng ară anei truh knhal jih thŭn srăng gĭr bi leh, êgao hdră kčah dŭm êlan dơ̆ng pral krĭng dap mnai krông Cửu Long, dlăng anei jing bruă klam phŭn leh anăn bruă klam hŏng krĭng lăn. Dŭm hdră ngă djŏ hŏng klei mkra mjing, rơ̆ng kơ hnơ̆ng jăk, klei êđăp ênang êjai mă bruă leh anăn răng mgang wăl hdĭp mda, đru mđĭ kyar prak, hơĭt kjăp krĭng dap mnai krông Cửu Long.