Knăm Phật đản Phật lịch 2567 - Dương lịch 2023 mơ̆ng knơ̆ng bruă klei đăo Yơng Việt Nam mkŏ mjing kdrưh kơăm ti Sang yơng Quán Sứ - jing anôk ktuê dlăng lu mta bruă yuôm bhăn mơ̆ng klei đăo Yơng Việt Nam. Anei jing bruă klei đăo mâo boh tŭ dưn hlăm klei hdĭp ai tiê leh anăn ai tiê mơ̆ng phung đăo yơng, jing knăm dhar kreh, klei đăo knang mâo Êpul gơ̆ng prŏng mơ̆ng Êpul hgŭm lu ala čar tŭ yap.

Bi ala kơ khua gĭt gai Đảng, knŭk kna, Mặt trận čar kwar Việt Nam leh anăn hŏng klei khăp pô, Khua knŭk kna mơĭt leh klei hơêč hmưi kơ phung khua knơ̆ng klei đăo yơng Việt Nam, phung tăng ni, phung đăo yơng hlăm leh anăn êngao ala čar klei hơêč hmưi knăm Phật đản Phật lịch 2567 mơ̆ng Knơ̆ng klei đăo yơng Việt Nam tŭ jing jăk siam, Khua knŭk kna mñă klă, hŏng giăm 2 êbâo thŭn bi mguôp leh anăn hrăm mbĭt hŏng djuê ana, Klei đăo yơng Việt Nam ñŭ kma, đĭ kyar mbĭt hŏng yang ƀuôn Việt Nam, jing sa kdrêč yuôm bhăn hlăm klei hdĭp dhar kreh, ai tiê djuê ana Việt Nam, hmăng hmưi leh anăn đăo knang Knơ̆ng klei đăo yơng Việt Nam lŏ dơ̆ng bi lar ai tiê ñŭ kma, mă bruă đru kơ anak mnuih, boh tŭ klei đăo, jăk kơ klei hdĭp, bi lar ai ktang klei bi mguôp djuê ana, kyua sa lăn čar Việt Nam mdrŏng sah, kjăp ktang, yâo mơak.