Mâo giăm 500 čô bi ala kơ dŭm anôk bruă Knŭk kna leh anăn anôk bruă duh mkra dua ala čar hgŭm. Khua knŭk kna Algeria bi mni kơ êpul êya bruă duh mkra, bi mklă dua tĭng dôk hlăm wưng bi mlih bruă duh mkra leh anăn čang hmăng mđĭ klei ñŭ kma krĭng wăl; mbĭt anăn bi êdah klei čang hmăng dŭm mta mnơ̆ng dhơ̆ng Algeria msĕ si êa drao, hbâo pruê, mnơ̆ng dhơ̆ng mâo phŭn agha ana kyâo, rơ̆k tơ̆k srăng pŏk mlar tiViệt Nam.

Blŭ hrăm hlăm klei bi kƀĭn, Khua knŭk kna Phạm Minh Chính mñă klă, klei yuôm bhăn hƀuê ênuk mkŏ mjing leh dua ala čar mđĭ jing ƀĭng hgŭm kluôm; bi mklă klei găl bi hgŭm pŏk mlar hlăm djăp mta bruă; lač Việt Nam leh anăn Algeria brei lŏ dơ̆ng bi hgŭm, mđĭ kyar kyua klei kñăm trei mđao, jăk mơak mơ̆ng yang ƀuôn.