4 mta bruă prŏng anei mâo ênoh bi liê jih jang êbeh 15 êbâo êklai prăk, mâo mkŏ mjing knăm bi leh bruă hrue 24/12 ti 4 anôk mkŏ online: Ƀuôn prŏng Điện Biên, Tuyên Quang, Tiền Giang lehanăn Vĩnh Long. Anei jing dŭm mta bruă mơ̆ng dhar bruă êlan klông mâo bi leh hlăm thŭn 2023 lehanăn mâo ngă bruă djŏ hŏng hdră kčah. Boh nik, hlăm 4 mta bruă prŏng anei, dưi ngă bruă hlue klei mbha gưl kiă kriê kơ alŭ wăl, iêo jak prăk duh bi liê mơ̆ng êngao knŭk kna.

Blŭ hrăm hlăm knăm anei, khua knŭk kna Phạm Minh Chính bi mni kơ jih jang klei gĭr, lehanăn bruă đua klam mơ̆ng phŭn bruă êlan klông dŭm mdiăng, dŭm čar ƀuôn prŏng mâo jao ngă bruă anei, mơ̆ng boh tŭ dưn leh mâo, lŏ mă lu klei hriăm hĭn, kñăm čiăng bi leh jăk jih jang dŭm mta bruă lăn čar dôk ngă kñăm bi djŏ hŏng hdră kčah./.