Khua knŭk kna Phạm Minh Chính jao bruă klam kơ 3 čô k’iăng Khua knŭk kna leh anăn 2 čô khua phŭn bruă
Thứ tư, 00:00, 28/08/2024
VOV Tây Nguyên
VOV Tây Nguyên
VOV4.Êđê- Leh khua gĭt gai Tô Lâm jao klei bi klă mơ̆ng Khua lăn čar ruah mdưm 3 čô k’iăng Khua knŭk kna leh anăn 2 čô khua Phŭn bruă, tlam mmăt hruê 26/8, Khua knŭk kna Phạm Minh Chính gĭt gai mmông bi tuôm, hơêč hmưi, jao bruă klam.
Khua knŭk kna Phạm Minh Chính hơêč kơ Hòa Bình, Hồ Đức Phớc, Bùi Thanh Sơn dưi ruah mdưm păn ngă k’iăng Khua knŭk kna, Đỗ Đức Duy păn ngă Khua phŭn bruă ngăn dŏ leh anăn wăl hdĭp mda, Nguyễn Hải Ninh păn ngă Khua phŭn bruă hdră bhiăn.
Anei jing klei ktưn hưn leh anăn bruă klam ktrŏ mâo Đảng, knŭk kna đăo knang jao leh. Khua knŭk kna hmăng hmưi phung mrâo ruah mdưm anăn bi lar klei găl, ai ktang, klei thâo ngă bruă, hrăm mbĭt hŏng knŭk kna bi lar hĭn klei bi mguôp, sa ai, hdră bhiăn, ênuah ênô, mlih mrâo hŏng klei mbruă, bi leh jăk bruă klam dưi jao, jih ai tiê duh myơr kơ lăn čar, kơ mnuih ƀuôn sang.
Viết bình luận