Klei khua knŭk kna Phạm Minh Chính nao čhưn kơ ala čar Romania tal anei jing bruă bi tuôm gưl khua knŭk kna plah wah dua ala čar hlăm 5 thŭn. Klei khua knŭk kna  Trong Phạm Minh Chính nâo čhưn anei mâo klei bi trông hŏng khua knŭk kna, hŏng khua mil čhil, khue bruă kƀĭn ala nah dlông, nah gŭ ala čar Romania. Mbĭt anăn, Khua knŭk kna srăng nao čhưn alŭ wăl, sang hră gưl prŏng, nao čuă phung duh mkra Việt Nam - Romania; bi tuôm hŏng phung bi ala hgŭm mbĭt Romania-Việt Nam lehanăn bi tuôm hŏng phung knuă druh, mnuih ngă bruă anôk bi ala knŭk kna lehanăn phung bi ala kơ mnuih ƀuôn sang Việt Nam tại Romania. Klei hiu čhưn anei jing lŏ hyuă kjăp hĭn klei bi mguôp dua ala čar mâo leh mơ̆ng đưm, mjing boh kdrŭt jăk kơ klei bi hgŭm dua nah, hlăm dŭm bruă ala čar Romania mâo klei găl, đru bi hgŭm hŏng Việt Nam hlăm klei mđĭ kyar.

Aguah 21/1 (hlue mmông alŭ wăl), Khua knŭk kna Phạm Minh Chính nao čhưn ti Adŭ bruă ksiêm dlăng leh anăn mđĭ kyar tin học ala čar Romania (ICI). Bi êdah klei ktưn hưn leh anăn kkuh drông Khua knŭk kna Phạm Minh Chính –  Khua Anôk bruă ksiêm hriăm leh anăn mđĭ kyar tin học ala čar Romania (ICI) brei thâo, ICI mâo bruă klam yuôm bhăn hlăm klei mtô mnuih mă bruă kdrăp mrâo hâo hưn, đru mguôp kơ klei đĭ kyar mơ̆ng Romania. 

Dŭm hdră bruă ksiêm hriăm leh anăn ba yua kdrăp mrâo mơ̆ng ICI amâo djŏ knŏng ba dŭm hdră msir mrâo mrang ôh ƀiădah lŏ đru mguôp hlăm bruă ba yua klei găl leh anăn mđĭ hnơ̆ng klei hdĭp. Khua knŭk kna Phạm Minh Chính brei thâo, Việt Nam mkŏ mjing leh anăn pŏk ngă Hdră bruă mlih mrâo ala čar, Hdră bruă ala čar kơ klei ksiêm hriăm, mđĭ kyar leh anăn ba yua klei thâo anak mnuih, mtă kơ Anôk bruă ICI Romania dưm Việt Nam jing sa ala čar hgŭm hlăm hdră pŏk mlar klei bi hgŭm lu ala čar, đru Việt Nam mjing mnuih mă bruă mâo hnơ̆ng jăk hlăm bruă anei.

Êlâo anăn, Khua knŭk kna Phạm Minh Chính nao čhưn ti Adŭ bruă mnia blei leh anăn tuh tia mkra mjing čar Prahova leh anăn bi tuôm hŏng phung knuă druh, mnuih mă bruă Anôk bruă bi ala, êpul êya mnuih Việt Nam ti Romania.