Êlan klei pui kmlă 500kV aruăt mtlâo kdrêč mơ̆ng Phố Nối, Hưng Yên truh Quảng Trạch, Quảng Bình, kdrêč gan dŭm čar Thanh Hóa, Nghệ An, Hà Tĩnh. Anei jing klei bi kƀĭn tal 4 mâo khua knŭk kna kiă kriê, nao ksiêm dlăng, mđĭ ai brei mkra bi pral hlăm wang 6 mlan êgao.

Klah čŭn klei bi kƀĭn, khua knŭk kna Phạm Minh Chính lač êlan klei pui kmlă anei jing yuôm bhăn êdi kơ bruă duh mkra ala ƀuôn, bruă răng mgang klei êđăp ênang ti dŭm kdrêč êlan klei pui anei mâo găn. Khua knŭk kna mtă kơ dŭm êpul êya bruă dôk ngă, bi pral hĭn mă bruă knuă hŏng klei kjăp, lehanăn êđăp ênang. Khua knŭk kna mtă kơ dŭm phŭn dharr bruă brei ktưn čiăng truh kơ klei bi leh kñăm kkuh mơak bi hdơr 79 thŭn klei kgŭ krŭ kdơ̆ng mlan 8 lehanăn klei mkŏ mjing knŭk kna lăn čar hrue 2/9.