Hlăm klei h’uh mđao, mơak hlak blŭ hrăm ti anôk bi tuôm, Khua knŭk kna Phạm Minh Chính lač, hrue 22/12/2023, giăm 2 eklai čô mnuih hlăm tar rŏng lăn mơak leh Klei bi kƀĭn prŏng Êpul gơ̆ng mơ̆ng êpul hgŭm lu ala čar mâo bi mklă leh yap Tết Nguyên đán jing hrue mdei grăp thŭn mơ̆ng Êpul hgŭm lu ala čar. Anei jing klei mơak kơ giăm 2 êklai čô mnuih hlăm tar rŏng lăn.

Ƀri wưng anei, bi ala kơ phung khua kiă kriê Đảng, Knŭk kna lehanăn mnuih ƀuôn sang Việt Nam, Khua knŭk kna lač jăk kơ jih jang phung khua bi ala, anôk bruă bi ala, khua êpul bruă mơ̆ng ala tač êngao mâo leh ai tiê jăk yâo, bi hgŭm leh tŭ jing đru leh yuôm bhăn kơ Việt Nam hlăm thŭn 2023 lehanăn hlăm dăl wưng êgao. Khua knŭk kna čang hmăng lehanăn đăo knang kơ jih jang phung khua bi ala, êpul bruă tač êngao ti Việt Nam lŏ dơ̆ng ngă bruă klam pô mjing kdrông hlăm klei bi mguôp, hgŭm mbĭt plah wah dŭm lăn čar, êpul bruă tač êngao hŏng Việt Nam knư̆ hrue knư̆ kjăp hĭn ngă bruă tŭ jing hĭn, kyua kơ sa rŏng lăn êđăp ênang, hgŭm mbĭt lehanăn mđĭ kyar kjăp./.