Ti anôk bi kƀĭn, Khua knŭk kna Phạm Minh Chính mtă ngă bi pral klei čuăl mkă hŏng klei “klă mngač kơ hdră êlan, mđĭ kyar kjăp kơ krĭng nah gŭ, thâo mĭn hlăm klei kiă kriê”.

Lŏ mkŏ wĭt jih jang bruă duh mkra, bi mlih hdră êlan mđĭ kyar hlue hŏng ênuk mrâo. Iêo jak klei duh bi liê, iêo jak phung kreh knhâo, mâo nanao klei mlih mrâo, hŏng klei mbruă ksiêm duah, ba yua klei kreh knhâo. Bi lar dŭm klei mkŏ mjing bruă knuă mrâo. Mđĭ mlih hdră êlan ngă bruă, bi mlih wăl anôk duh mkra, mâo klei iêo jak duh bi liê prŏng, boh nik hŏng phung mâo hdră êlan kjăp./.