VOV4.Êđê- Aguah mbrue (12/9), Khua knŭk kna Phạm Minh Chính kiă kriê leh klei bi kƀĭn kơ bruă mdrơ̆ng hŏng klei pui ƀơ̆ng, lehanăn ksiêm wĭt 5 thŭn hlue ngă hdră mtrŭn 83 mơ̆ng knŭk kna kơ bruă dŏng đru, mơ̆ng êpul truih mdjiê klei pui ƀơ̆ng. Klei bi kƀĭn dưi mkŏ mjing hlue êlan online mkŏ anôk bruă knŭk kna hŏng 63 boh čar, ƀuôn prŏng hlăm kluôm ala.

Blŭ hrăm ti anôk bi kƀĭn, Khua knŭk kna Phạm Minh Chính mñă, wưng leh êgao, klei pui ƀơ̆ng klei mtuh, kreh mâo lu, dleh dưi thâo tĭng knăl, ba truh klei luič liê lu kơ ngăn dŏ lehanăn anak mnuih. Hŏng dŭm klei pui ƀơ̆ng prŏng giăm anei, Khua knŭk kna mtă kơ Phŭn bruă kahan ksiêm gĭt gai ngă bi mngač bruă klam mơ̆ng dŭm anôk bruă knŭk kna kiă kriê, bruă sang čư̆ êa alŭ wăl, anôk bruă brei klei dưi, ksiêm dlăng phung djŏ tuôm, ngă bruă hŏng klei klă mngač./.

Pô mblang: Y-Ƀel Êban