Aguah 9/9, Khua knŭk kna Phạm Minh Chính, khua kiă kriê kơ bruă duh mkra – ala ƀuôn kluôm ala tal XIV mơ̆ng Đảng (Jing anôk bruă duh mkra – ala ƀuôn) kiă kriê kơ klei knŭk kna bi kƀĭn kơ bruă anei. Pioh mă klei blŭ kơ klei trông čhai kơ bruă hâo mdah ksiêm wĭt 5 thŭn klei mđĭ kyar bruă duh mkra ala ƀuôn 10 thŭn 2021 - 2030, tă hdră kơ 5 thŭn duh mkra ala ƀuôn 2026 -2030.

Klah čŭn klei bi kƀĭn, Khua knŭk kna, Phạm Minh Chính bhi mni kơ dfŭm klei gĭr jih ai tiê, mơ̆ng phung dôk hlăm êpul bruă duh mkra ala ƀuôn, lehanăn phung bi ala nao ti anôk bi kƀĭn, mtă kơ klei lŏ bi ksiêm duah, mă klei blŭ mơ̆ng grăp êpul, pral bi leh klei hâo mdah. Khua knŭk kna mtă, čiăng kơ jih jang mta kñăm lŏ dơ̆ng mbŏ bruă čuăn mâo hdră mghaih msir bi jăk hĭn tui duah hdră êlan mrâo kơ wưng thŭn 2026 – 2030 kñăm bi leh truh kơ thŭn 2030 jing ala čar hlăk đĭ kyar, mđĭ ênoh mâo hrui wĭt kdlưn hĭn./.