Blŭ hrăm ti anôk bi kƀĭn 6 mlan knhal jih thŭn, ngă bi leh dŭm mta mtrŭn, ƀhĭ ênŭm hlăm klei hlue ngă hdră mtrŭn bi ktưn, pah mni thŭn 2022. Jao Phŭn bruă hdră bhiăn kiă kriê, mguôp mbĭt hŏng phŭn bruă kiă kriê bruă knuă mtrŭt dŭm alŭ wăl mâo klei ktrâo atăt hlue ngă hdră bhiăn bi ktưn, pah mni djŏ hŏng mta mtrŭn, djŏ hŏng klei dưi. Khua knŭk kna mâo leh klei bi mklă kơ hdră mkŏ mjing klei bi kƀĭn prŏng bruă bi ktưn khăp kơ lăn čar kluôm ala tal XI; Kčĕ kơ khua knŭk kna, Khua êpul gơ̆ng mtrŭn leh asăp mtrŭn klei bi ktưn mprăp kơ klei bi kƀĭn prŏng dŭm gưl, anăp truh kơ klei bi kƀĭn prŏng Đảng 14.

Khua knŭk kna jao kơ phŭn bruă kiă kriê bruă knuă, phŭn bruă êlan klông dŭ mdiăng bi mguôp hŏng dŭm phŭn dhar bruă, alŭ wăl bi mkŏ mjing gưl bi ktưn “500 hrue mlam hŏng klei gĭr prŏng, bi ktưn mâo ba wĭt klei tŭ jing bruă mkra êlan dơ̆ng pral”./.