Ti anôk bi kƀĭn, Khua knŭk kna Phạm Minh Chính mâo leh klei čuă êmuh, mđĭ ai, lehanăn mâo klei bi juh mơ̆ng Phŭn bruă kđi čar, Êpul khua kiă kriê bruă Đảng, Khua gĭt gai Tô Lâm lehanăn phung khua prŏng mơ̆ng Đảng knŭk kna, truh hŏng mnuih ƀuôn sang, boh bnik hŏng gŏ sang mâo mnuih djiê, mnuih luič, mnuih êka mơ̆ng angĭn êbŭ mrô 3 ngă, hŏng ênoh prăk bi đru truh êbeh 1.000 êklai prăk.

Knŭk kna đru leh dŭm alŭ wăl êbeh 350 êklai prăk, 300 tôn braih... lehanăn hlăk lŏ dôk ksiêm yap čiăng lŏ mâo hdră bi đru. Khua knŭk kna mñă, brei drei ngă hŏng jih ai tiê mghaih msir boh mơ̆ng angĭn êbŭ, kyua klei khăp djuê ana, kyua klei hdĭp mnuih ƀuôn sang, lehanăn hŏng mta kñăm jing: amâo mâo lui mnuih ƀuôn sang lĕ hlăm klei ư̆ êpa, kƀah mnơ̆ng čŭt hơô, ư̆ êpa, kƀah êa doh ôh, amâo mâo anôk dôk, lehanăn kƀah dŭm mnơ̆ng yua mkăn hlăm klei hdĭp./.