Blŭ hrăm ti anôk bi kƀĭn, Khua knŭk kna Phạm Minh Chính mñă, hlăm 3 mlan akŏ thŭn 2023 klei đĭ kyar bruă duh mkra ala čar drei êdu hĭn mka hŏng wưng anei thŭn dih, kyua hmăi amâo mâo jăk lu mơ̆ng êngao lehanăn mơ̆ng hdră êlan pô mă bruă pơh. Čiăng kơ bruă duh mkra pral lŏ mâo klei đĭ kyar hŏng klei kjăp, bi leh bruă čuăn lehanăn mâo hdră mă bruă djŏ guôp, hlăm anăn lŏ dơ̆ng đru phung duh mkra, mnuih ƀuôn sang, mtrŭt mđĭ klei duh mkra mnia mblei.

Khua knŭk kna kčĕ bi dưn yua jih ai ktang mơ̆ng knŭk kna, mơ̆ng knơ̆ng prăk lŏ dơ̆ng bi kơrŭ ai bluh đĭ mơ̆ng lăn čar, iêo jak jih ai ktang hlăm djăp êpul êya, hrăm mbĭt đru bi ruh mgaih jih klei dleh dlan gun kpăk, boh nik hŏng dŭm mta bruă djŏ tuôm hŏng sang lăn, tui duah ngăn prăk mơ̆ng phung duh mkra, prăk mơ̆ng mnuih ƀuôn sang, pŏk čhĭ trái phiếu. Mơ̆ng anăn čiăng bi mâo hdră êlan mă bruă bi djŏ. Mơ̆ng anăn ktuh êyuh jih ai tiê kpưn ngă bruă hŏng klei ktang, hlăm dŭm hdră êlan mă bruă bi djŏ./.