Klei bi kƀĭn mkŏ mjing online kluôm ala anôk phŭn mkŏ jing anôk bruă knŭk kna lehanăn hŏng dŭm phŭn dhar bruă, knơ̆ng bruă sang čư̆ êa dŭm boh čar, ƀuôn prŏng hlăm gưl dlông. Thŭn 2023, bruă bi mlih mrô mâo ngă leh hŏng klei pral dưi đru kơ klei mđĭ kyar bruă duh mkra ala ƀuôn hlăm lăn čar. Thŭn kơ ênoh mâo mkăp pioh, mjing leh atur kơ bruă mđĭ kyar knŭk kna mrô, klei duh mkra mrô. Yang ƀuôn mrô. Hnơ̆ng ênoh kơ klei bi mlih mơ̆ng Việt Nam thŭn 2023 dôk tal 46/132, đĭ 2 knhuang dah mkă hŏng thŭn 2022.

Blŭ hrăm ti anôk bi kƀĭn khua knŭk kna Phạm Minh Chính lač, bruă ala čar bi mlih mrô 2023 mâo mđĭ hĭn hlue hdră êlan kơ jih jang mnuih ƀuôn sang, kluôm ênŭm mâo klei tŭ dưn klă, đru mguôp jăk kơ klei mđĭ kyar lăn čar, hŏng 6 mta klei tŭ dưn mâo ba wĭt lehmơ̆ng klei bi mlih mrô: Khua knŭk kna mñă, lŏ dơ̆ng mlih mrâo klei mĭn, brei mâo klei thâo săng kluôm, gĭr mghaih msir bi leh, lehanăn ngă bruă hŏng klei kreh knhâo, tŭ jing. Mđĭ kyar mrô kluôm ênŭm, mâo klei kjăp hĭn, amâo mâo bi tiŏ êran kơ ênoh ôh./.