VOV4.Êđê- Aguah mbrue (27/9), Khua knŭk kna Phạm Minh Chính kiă kriê leh klei bi kƀĭn online hŏng 8 alŭ wăl kwar krah lehanăn Lăn Dap Kngư kơ bruă mdrơ̆ng hŏng angĭn êbŭ mrô 4. Blŭ hrăm ti anôk bi kƀĭn anăn, Khua knŭk kna lač, tui si klei đăo knăl mơ̆ng anôk bruă tĭng knăl yan adiê, angĭn êbŭ mrô 4 anei jing angĭn êbŭ ktang, lehanăn pral. Tơdah drei mprăp jăk mâo hdră êlan mdrơ̆ng hŏng klei djŏ, snăn dưi dưi mâo klei êđăp ênang mơh.

Hlăm dŭm hrue êgao, dŭm alŭ wăl mâo leh giăm 58 êbâo boh hô̆ trah mă kan mơ̆ng êbeh 300 êbâo čô mnuih wĭt truh leh kơ anôk kdê, lŏ bi kjăp, lehanăn mbĕ 4 êbâo 500 boh war rông kan, mâo hdră mbĕ truh êbeh 100 gŏ sang phung ƀuôn sang, hŏng giăm 400 êbâo čô mnuih, ti dŭm krĭng ênưih tuôm hŏng klei amâo mâo jăk. Khua knŭk kna bi mni kơ dŭm čar, ƀuôn prŏng dŭm êpul bruă kiă kriê... Khua knŭk kna mtă kơ dŭm phŭn dhar bruă djăp êpul êya brei mâo hdră êlan mă bruă kjăp, brei mâo klei răng jih hnơ̆ng./.

Pô mblang: Y-Khem Niê