VOV4.Êđê- Tlam mbrue (12/9) Khua knŭk kna Phạm Minh Chính kiă kriê leh klei bi kƀĭn păn kjăp bruă čiăng bi hơĭt klei duh mkra kluôm. Blŭ hrăm ti anôk bi kƀĭn, Khua knŭk kna ktrâo klă mâo 11 êpul bruă čuăn, hlăm hdră kjăp hĭn brei mâo klei răng nanao, mkă tĭng klei rŭng răng dlông rŏng lăn dôk găn, klei jing hlăm ala čar, hlak mblang bi nik, tĭng knăl bi djŏ lehanăn mâo klei bhiăn kjăp djŏ hŏng klei kiă kriê kluôm.

Lŏ dơ̆ng ngă bruă hŏng klei kjăp, mbruă, mâo klei tŭ jing lehanăn mâo klei bi mguôp kjăp, bi sa hnơ̆ng plah wah dŭm hdră êlan ngăn prăk, hdră êlan duh bi liê, lehanăn djăp mta bruă mkăn čiăng dưi mkhư̆ klei prăk luič ênoh, bi hơĭt bruă duh mkra kluôm, mđĭ hĭn klei đĭ kyar, rơ̆ng dưi bi kna sĭt klei duh mkra. Kiă kriê kjăp boh phŭn, thâo bi klă mta kñăm, hdră êlan ngă bruă, lehanăn mâo hdră djŏ guôp, bi tŭ jing, krơ̆ng ba wĭt jăk klei tŭ dưn plah wah mta kñăm hŏng klei tŭ dưn ti anăp mta lehanăn kơ êdei anăp, kyua klei mđĭ kyar kjăp bruă duh mkra./.

Pô mblang: Y-Ƀel Êban