Hlăm wưng thŭn 2021 truh kơ thŭn 2023 kluôm ala mâo leh truh 499 mta bruă truăn kơ klei rŭ mdơ̆ng sang dôk kơ yang ƀuôn, hŏng ênoh jih jang hlăm brô 411.250 boh sang. Hlăm klei čuăl mkă anăn, kluôm ala mâo leh 1.316 krĭng lăn pioh kơ bruă rŭ mdơ̆ng sang mâo jih jang truh 8.611 ha, đĭ 5.252 ha mkă hŏng thŭn 2020.

Klah čŭn klei bi kƀĭn Khua knŭk kna Phạm Minh Chính lač, bruă rŭ mdơ̆ng sang dôk kơ yang ƀuôn, lu jing mdơ̆ng sang kơ mnuih ngă bruă. Rŭ mdơ̆ng sang dôk hŏng phung mâo ênoh hrui wĭt ƀiă, hŏng mnuih ngă bruă anăn jing bruă klam mơ̆ng knŭk kna, mơ̆ng yang ƀuôn hŏng mnuih ƀuôn sang. Khua knŭk kna mtă, phŭn bruă kahan ksiêm, phŭn bruă lĭng kahan ktưn hlăm thŭn 2024, grăp phŭn bruă bi mdơ̆ng mâo 5 êbâo boh sang dôk kơ yang ƀuôn. Knơ̆ng kiă kriê mnuih ngă bruă Việt Nam ktưn hlăm thŭn 2024 mdơ̆ng mâo 2 êbâo boh sang dôk kơ yang ƀuôn./.