Ti anôk bi kƀĭn anei, phung bi ala trông čhai leh lu klei mĭn, mta kñăm, tă êlan mđĭ kyar, lehanăn hdră čuăl mkă kơ krĭng anei. Klah čŭn klei bi kƀĭn, Khua knŭk kna Phạm Minh Chính mñă, kơ klei mĭn, klei kiă kriê, bi kjăp klei hlue ngă dŭm hdră êlan mơ̆ng Đảng 13, lehanăn hdră mtrŭn mơ̆ng phŭn bruă kđi čar, kdră ngă bruă kơ 5 thŭn, hdră êlan kơ 10 thŭn mđĭ kyar bruă duh mkra ala ƀuôn, ksiêm kjăp hdră mtrŭn mơ̆ng dŭm bruă Đảng djăp gưl.

Khua knŭk kna lač, lŏ bi kjăp hĭn jih jang bruă knuă, klei uêñ klă, lehanăn klei yuôm bhăn mơ̆ng krĭng anei hŏng lăn čar kơ jih jang bruă msĕ si bruă kđi čar, bruă duh mkra, bruă răng mgang klei êđăp ênang mơ̆ng anăn tui duah ya mta klei dôk ka klă mngač, duah klei găl mđĭ kyar mâo ai dưi bi ktưn. Khua knŭk kna mñă, buă klam, klei găl kơ krĭng Ngŏ kwar Dhŭng, mâo djăp klei găl, jing anôk phŭn ba akŏ kơ dŭm klei bi hmô mđĭ kyar buă duh mkra ala ƀuôn kơ lăn čar./.