Blŭ hrăm hlăm klei kƀĭn, Khua knŭk kna Phạm Minh Chính mñă klă, mlih mrâo êpul bruă leh anăn hdră ngă bruă mơ̆ng knŭk kna hluê êlan khuăt, ngă bruă tŭ dưn, mkŏ mjing lu phŭn, dhar bruă, lu mta bruă, bi hrŏ găl guôp ênoh phŭn bruă, anok bruă, mtrŭt mđĭ klei mbha gưl, mbha klei dưi găl guôp plah wah gưl dlông leh anăn alŭ wăl…jing mta kñăm, jing bruă klam, hdră êlan yuôm bhăn čiăng mkŏ mjing bruă knŭk kna đru kơ mnuih ƀuôn sang, yang ƀuôn ngă phŭn, thơ̆ng kơ bruă, mrâo mrang.

Khua knŭk kna mñă kơ phung khua êmua hlăm êpul gĭt gai bi klă mta kñăm mkŏ mjing hdră êlan ksiêm wĭt, hdră ksiêm wĭt srăng mâo djăp 2 mta kñăm: Ksiêm duah, bi klă kluôm kơ hdră êlan, bruă klam, klei dưi leh anăn hdră ngă bruă mơ̆ng 4 wưng păn bruă mơ̆ng knŭk kna (mơ̆ng wưng tal 12 truh kơ wưng 15), bi êdah dŭm klei mĭn, mta kñăm, hdră tă, bruă klam bi kluôm hdră ngă bruă, klei dưi leh mkŏ mjing êpul ngă bruă wưng păn bruă tal 16 mơ̆ng knŭk kna leh anăn dŭm wưng kơ anăp.