Ti anôk bi kƀĭn, phung khua prŏng mâo leh lu klei blŭ kơ 11 mta bruă 6 klei dôk ksiêm prŏng mâo: Bruă mnuih ƀuôn sang răng mgang wăl adiê; kiă kriê, ba yua phao ktuang, mnơ̆ng mtuh lŏ mlih mrâo, knhuah gru dhar kreh lŏ mlih mrâo, mlih mrâo đa đa mta kơ klei bhiăn êa drao. Lŏ ksiêm dŭm klei bhiăn: Buă jao kơ klei mjĕ mgiăm hŏng tač êngao, bruă êdeh phiơr lŏ mlih mrâo, bruă êlan êdeh treng, bruă mnơ̆ng hlăm gŭ lăn, bruă tuh tia mrô, lehanăn klei kâo mkŏ mjing klei bhiăn mtrŭn thŭn 2025, bi mlih dŭm klei bhiăn mtrŭn thŭn 2024.

Tui si khua knŭk kna, jih jang bruă lač anăn mâo bi trông jing jih jang bruă dleh hlăm klei mkŏ mjing klei bhiăn, kñăm bi mâo klei bhiăn bi sa hnơ̆ng, djŏ hŏng ênuk ară anei. Khua knŭk kna mtă kơ khua phŭn bruă mâo klei blŭ pioh bi klă jih jang bruă knuă, pioh mkŏ mjing hŏng klei klă mngač lehanăn kjăp, boh nik tinei mđing kơ hnơ̆ng thâo mơ̆ng mnuih mkra mjing klei bhiăn, mkra mjing hdră bhiăn bi kjăp./.