VOV4.Êđê - Aguah mbrue (4/4), ti anôk bruă knŭk kna, Khua knŭk kna Phạm Minh Chính kiă kriê klei bi kƀĭn kơ tuôr mlan 3 ksiêm wĭt boh tŭ dưn mlan 3 lehanăn lŏ dlăng wĭt bruă knuă 3 mlan akŏ thŭn. Khua knŭk kna lač, bruă kđĭ čar amâo mâo hơĭt, lu ala čar prŏng mâo lu klei amâo mâo thâo bi djŏ, ênoh čhĭ êa pui đĭ, lehanăn prăk luič ênoh, klei ruă tưp dleh dưi ksiêm dlăng, ba leh klei ktrŏ kơ bruă duh mkra hlăm ala čar. Khua knŭk kna mtă, lŏ dơ̆ng bi kjăp jih jang hdră êlan duh bi liê ngăn prăk ăt adôk êmưt, klei kơ mnơ̆ng dhơ̆ng čhĭ mnia dôk ksŭn ti knông lăn, bă kơ ară anei ka dưi mghaih msir sĭt êmĭt ôh, mâo sa kdrêč phung ƀuôn sang hlăm krĭng taih kbưi krĭng dleh dlan, adôk ka mđing kơ klei tlŏ mgang, bi pral mghaih msir jih jang bruă adôk kƀah hlăm 3 mlan akŏ thŭn, mghaih msir bi tŭ dưn ya mta klei amâo mâo jăk lŏ mâo mrâo./.

Y-Khem pô mblang