Leh mđing hmư̆ jih jang klei blŭ, klah čŭn klei bi kƀĭn, khua knŭk kna   Phạm Minh Chính hlak klă mngač kơ dŭm boh tŭ dưn, lehanăn dŭm klei awăt kƀah, hlăm anăn mblang kơ “5 mta klei dôk ka dưi ngă” msĕ si:  Klei ktrŏ hlăm bruă kiă kriê klei duh mkra kluôm, boh nik kơ klei prăk luič ênoh, kơ prăk mnga, kơ hnơ̆ng ênoh prăk kăk hlăm klei bi mnia mblei tar rŏng lăn, ngă kơ bruă kđi čar, bruă duh mkra ala ƀuôn anăp nao hlăm klei dleh dlan hĭn êjai.

Hlăm wưng tinăp, Khua knŭk kna mtă, păn kjăp hĭn hdră mtrŭn mơ̆ng klei bi kƀĭn prŏng Đảng 13, ti gŭ klei gĭt gai mơ̆ng gưl dlông, mơ̆ng phŭn bruă kđi čar, lehanăn phung khua kiă kriê knơ̆ng, kơ hdră êlan mđĭ kyar bruă duh mkra ala ƀuôn wưng thŭn 2021- 2030, dŭm hdră 5 thŭn hlăm wưng 2021- 2025, dŭm hdră mtrŭn, asăp mtrŭn mơ̆ng knŭk kna, mơ̆ng khua knŭk kna. Kut kat amâo mâo dưi kdŭn ôh ti anăp klei dleh dlan, păn kjăp ai tiê klei mĭn gĭr ngă bruă bi mâo klei tŭ dưn. Dưn yua jih hnơ̆ng klei thâo bi mguôp, čŏng pô kpưn đĭ, dlăng kơ klei dleh dlan, klei lông dlăng jing msĕ si boh kdrŭt kơ pô hlăm klei gĭr ruh mgaih jih klei dleh dlan, mđing duh mkra mnia mblei bi tŭ jing, mjing bruă knuă mă, bi hơĭt klei hdĭp mda mnuih ƀuôn sang./.