Klah čŭn ti anôk ngă bruă, Khua knŭk kna Phạm Minh Chính lač, lŏ hlue ngă hdră mtrŭn amâo mâo djŏ knŏng kơ ƀuôn prŏng Hồ Chí Minh, tơdah bruă anei tŭ jing snăn hlăm kluôm ala srăng dưi dưn. Khua knŭk kna mtă kơ dŭm phŭn dhar bruă, êmưt êdi hlăm hrue kăm tinăp, jao bi klă bruă knuă, jao kơ phung k’iăng khua knŭk kna klam bruă mdê mdê.

Phŭn bruă čuăl mkă duh bi liê, bi mguôp hŏng adŭ bruă knŭk kna, lehanăn ƀuôn prŏng Hồ Chí Minh bi ksiêm wĭt jih jang hdră ngă bruă čiăng bi khuăt pral, phung k’iăng khua knŭk kna bi kiă kriê tui si bruă jao pioh mgaih msir bi pral kơ ya mta bruă dôk dleh kpăk mdê. Dŭm phŭn dhar bruă pral mtrŭn djăp mta hră mơar hlue si klei ktrâo atăt. Jih jang hră mơar năng mtrŭn dah êmưt êdi jing ti hrue 15/8 tinăp.