VOV4.Êđê- Aguah mbrue (12/7), ti anôk bruă knŭk kna, Khua knŭk kna Phạm Minh Chính kiă kriê leh klei mă bruă plah wah êpul khua kiă kriê knŭk kna hŏng bruă Đảng phung duh mkra gưl dlông kơ klei kiă kriê, gĭt gai bruă mkŏ wĭt, lehanăn mđĭ klei tŭ dưn bruă ngă mơ̆ng phung duh mkra knŭk kna. Blŭ hrăm ti anôk ngă bruă, Khua knŭk kna brei thâo, anei jing wưng čiăng bi trông kơ bruă mkŏ mjing hlue ngă hdră mtrŭn klei bi kƀĭn prŏng tal 13 mơ̆ng Đảng hŏng bruă Đảng phung duh mkra gưl dlông, boh nik ksiêm wĭt boh tŭ dưn jih jang bruă mơ̆ng êpul grŭp bruă duh mkra, knơ̆ng bruă duh mkra prŏng mơ̆ng knŭk kna, bi trông ruh mgaih djăp mta klei gun kpăk, klei ka djŏ.

Hlăm wưng kơ anăp khua knŭk kna mtă, kơ bruă Đảng phung duh mkra mjing djăp klei găl, hŏng ai tiê bruă klam prŏng, lehanăn klei gĭr hĭn, nga bruă hŏng jih ai tiê. Lŏ dơ̆ng ksiêm duah bi leh êpul mkŏ mjing hlăm bruă duh mkra knŭk kna ênuk mrâo mrang, tŭ dưn, khuăt, ksiêm kơ klei bhiăn, hdră êlan răng mgang phung knuă druh jhŏng blŭ jhŏng ngă./.

Pô mblang: Y-Khem Niê