Khua knŭk kna Phạm Minh Chính lŏ mñă wĭt dŭm boh tŭ dưn leh mâo, êjai dôk ngă bruă, jing bruă phŭn kơ lăn čar hlăm bruă mkra êlan klông. Khua knŭk kna bi mni kơ dŭm anôk bruă klam kiă kriê êpul ngă bruă, mâo klei kăp bi đru kčĕ, mâo klei ngă bruă hlăm klei bi sa ai, hŏng jih ai tiê mkra êlan hŏng klei kjăp, djŏ hŏng wưng kčah hlăm thŭn êgao.

Jao bruă klă klơ̆ng kơ dŭm phŭn dhar bruă, alŭ wăl boh nik ngă bi pral klei ruh mgaih anôk ala, lehanăn mprăp djăp kdrăp kơ bruă rŭ mkra. Khua knŭk kna gĭt gai dŭm êpul bruă mghaih msir bi jih klei dleh dlan, čŏng mâo klei bi hgŭm mghaih msir bi jih klei dleh kpăk, amâo mâo klei bi ñĕ đuĕ ôh, čŏng bi leh jih bruă kčah jao, mkra bi djŏ hŏng hdră kčah, mkra bi kjăp, rŏng klei êđăp ênang./.