Tui si hdră, Khua knŭk kna Phạm Minh Chính kiă kriê knăm drông khua knŭk kna Lào lehanăn mô̆ gơ̆ ti anôk bruă khua lăn čar, leh kơ anăn 2 čô khua kiă kriê djă akŏ êpul dua knŭk kna mâo dŭm klei trông čhai ti anôk bruă knŭk kna, dlăng klei kuôl kă djăp mta hră mơar plah wah dŭm phŭn dhar bruă, alŭ wăl dua ala čar.

Hlăm klei hriê čhưn anei, Khua knŭk kna Lào srăng mđrăm mbĭt hŏng khua knŭk kna Phạm Minh Chính kiă kriê klei bi kƀĭn tal 46 mơ̆ng anôk bruă hgŭm knŭk kna Việt Nam - Lào. Khua lăn čar Võ Văn Thưởng, Khua bruă kƀĭn ala Vương Đình Huệ srăng drông khua knŭk kna Lao. Klei hriê čhưn anei dôk hlăm wưng dua ala čar lŏ dơ̆ng hyuă kjăp hĭn klei mđĭ kyar. Klei bi mguôp bruă kđi čar, bi êdah bruă klam hlăm hdră êlan kluôm mơ̆ng dua ala čar./.