Aguah mbrue 21/4, ti anôk bruă khua knŭk kna, Khua knŭk kna Phạm Minh Chính kiă kriê leh knăm drông Khua knŭk kna ala čar Sek Petr Fiala lehanăn êpul khua prŏng mâo wưng hriê čhưn Việt Nam mơ̆ng hrue 20 - 22/4.

Mâo mkŏ mjing hlue knăm drông khua prŏng khua gĭt gai knŭk kna klă klơ̆ng hriê čuă Việt Nam. Khua knŭk kna iêo jak leh khua knŭk kna Petr Fiala dlăng klei ruĕ kahan Việt Nam, leh kơ anăn dua čô khua knŭk kna bi hưn mthâo kơ êpul bi ala hdơ̆ng găp. Anei jing gưl hriê čhưn ti Asi tal êlâo mơ̆ng khua knŭk kna Petr Fiala yap mơ̆ng leh đĭ păn bruă hlăk knhal jih thŭn 2021 lehanăn jing gưl tal êlâo khua knŭk kna ala čar Sek hriê čhưn ti Việt Nam hlăm 15 thŭn êgao. Hlăm klei hriê čhưn ti Việt nam tal anei, leh klei bi blŭ hrăm hŏng khua knŭk kna Phạm Minh Chính, khua knŭk kna Séc Petr Fiala mâo leh klei bi blŭ hrăm hŏng khua lăn čar Võ Văn Thưởng; mbĭt hŏng khua knŭk kna Phạm Minh Chính nao ti anôk bi trông hŏng phung duh mkra Việt Nam – Séc lehanăn dŭm bruă yuôm bhăn mkăn./.