VOV4.Êđê- Aguah mbrue (29/9), ti anôk bruă khua lăn čar, Khua knŭk kna Phạm Minh Chính kiă kriê knăm drông Khua knŭk kna Cuba Manuel Marrero Cruz mbĭt hŏng êpul khua bi ala gưl dlông knŭk kna Cuba hriê čuă Việt Nam. Leh knăm drông, Khua knŭk kna Phạm Minh Chính lehanăn khua knŭk kna Cuba ngă klei bi trông.

Anei jing klei khua knŭk kna Cuba hriê bi sĭt bruă leh bi tŭ ư gưl dlông dua ala čar, lŏ dơ̆ng hyuă kjăp klei bi mguôp dua ala čar, bi êdah klei sĭt suôr hlăm bruă lŏ dơ̆ng mđĭ kyar lehanăn hyua kjăp hĭn klei hgŭm mbĭt, bi mguôp sĭt suôr bi đăo knang hdơ̆ng găp, hgŭm kluôm dhuôm dua Đảng, lăn čar, knŭk kna lehanăn phung ƀuôn sang dua ala čar. Ƀri gưl hriê čhưn anei Khua knŭk kna Cuba srăng tŭ mă mêđai Hồ Chí Minh, nao ti anôk kuôl kă hgŭm bruă dua nah, nao ti anôk trông čhai bruă duh mkra dua ala čar, bi tuôm hŏng phung khua kiă kriê ƀuôn prŏng Hồ Chí Minh./.

Pô mblang: Y-Khem Niê