Mơak tianăp klei đĭ kyar mơ̆ng klei bi mguôp bruă duh mkra mnia mblei hŏng ênoh mâo bi mnia mblei êbeh 7 êklai USD lehanăn jing klei găl prŏng êdi hlăm klei bi hgŭm dua nah. Khua knŭk kna Phạm Minh Chính čang hmăng kơ anak mtao Sheikh Sabah Khaled Al-Hamad Al-Sabah lŏ dơ̆ng kiă kriê mtrŭt mđĭ klei bi hgŭm bruă duh mkra mnia mblei, klei duh bi liê, bruă pui kmlă, êa pui, bruă lĭng kahan, bruă kreh knhâo, mlih mrâo, bi mlih mrô, mnuih mă bruă lehanăn bruă mjuăt bi hriăm.

Ti anôk bi tuôm hŏng khua knŭk kna Kuwait êlâo dih,  Khua knŭk kna Phạm Minh Chính lač, hŏng klei dưi, lehanăn kơhưm mrâo, Việt Nam srăng jing ƀĭng hgŭm năng đăo knang kjăp hlăm hdră êlan bi hgŭm bruă duh mkra hŏng Kuwait, boh nik hlăm bruă pui kmlă, bruă tuh tia, hdră êlan duh mkra kluôm, klei duh bi liê lehanăn bruă ngăn prăk./.