Khua knŭk kna Phạm Minh Chính klă klơ̆ng nao čuă China leh anăn nao hlăm klei kƀĭn Bruă duh mkra tar rŏng lăn
Thứ hai, 11:03, 26/06/2023
VOV Tây Nguyên
VOV Tây Nguyên
VOV4.Êđê- Tlam mbruê 25/6, Khua knŭk kna Phạm Minh Chính leh anăn Êpul bi ala Việt Nam truh leh ti Bắc Kinh, kčưm gưl nao čuă ala čar China leh anăn nao hlăm klei kƀĭn trông grăp thŭn phung ba anăp tal 14 mơ̆ng Klei kƀĭn bruă duh mkra tar rŏng lăn (WEF).
Hlăm gưl nao čuă anei, Khua knŭk kna Phạm Minh Chính srăng blŭ hrăm hŏng Khua knŭk kna China Lý Cường, bi tuôm hŏng khua gĭt gai China Tập Cận Bình, bi tuôm hŏng Khua bruă kƀĭn ala China Triệu Lạc Tế.
Mbĭt hŏng anăn, Khua knŭk kna Phạm Minh Chính srăng nao hlăm dŭm klei bi kƀĭn yuôm bhăn hlăm Klei kƀĭn trông grăp thŭn phung ba anăp tal 14 mơ̆ng WEF, mâo dŭm klei bi tuôm 2 tĭng hŏng khua kiă kriê WEF, ăt msĕ hŏng khua gĭt gai lu ala čar, êpul êya tar rŏng lăn. Ƀri wưng anei, Khua knŭk kna Phạm Minh Chính mkăp mmông bi tuôm hŏng êpul êya mnuih Việt Nam ti China, bi tuôm hŏng phung ƀĭng hgŭm, phung hriăm lu, nao hlăm klei kƀĭn knơ̆ng bruă Việt Nam – China.
Viết bình luận