VOV.Êđê - Hruê 1/3, hlăm hdră mă bruă ti dŭm čar kwar Krah, Khua knŭk kna Phạm Minh Chính nao ksiêm dlăng leh hdră êlan klông phŭn: Êlan êran pral Quảng Ngãi – Hoài Nhơn, kdrêč êlan mur Đức Phổ lehanăn Bình Đê, êlan êran pral Hoài Nhơn- Quy Nhơn lehanăn Hdră tač êdeh phiơr mrô 2 lehanăn dŭm hdră dôk hlăm Hdră tač êdeh phiơr Phù Cát, čar Gia Lai.

Ti anôk hluê ngă Hdră tač êdeh phiơr mrô 2 lehanăn dŭm hdră dôk hlăm Hdră tač êdeh phiơr Phù Cát, čar Gia Lai, Khua knŭk kna bi mni ai tiê ngă bruă mơ̆ng phung kỹ sư, mnuih mă bruă amâo uêñ adiê mđiă hjan, hnêč huă ƀơ̆ng, hnêč pĭt mdei. Ksiêm dlăng ti anôk mă bruă, Khua knŭk kna mtă kơ dŭm êpul djŏ tuôm bi hrŏ wưng hluê ngă 3 mlan, rơ̆ng 3 mlan gưl 3 thŭn 2026 dưi ba yua hdră anei, bi hrô kơ mlan 9/2026 msĕ hdră kčah mbĭt anăn mtă hlăm wưng ti anăp gĭr hluê ngă bruă kjăp, jao kơ čar Gia Lai kriê dlăng, ba yua tač êdeh phiơr Phù Cát hluê klei bhiăn “hlei ngă jăk jao kơ pô anăn”.