Khua knŭk kna Phạm Minh Chính nao êmuh hrăm dŭm gŏ sang mâo sang dôk mrâo mơ̆ng hdră anei. Hơ̆k mơak ƀuh klei hdĭp lu gŏ sang jăk mơak hlăm boh sang mrâo mkŏ mjing, Khua knŭk kna bi mni čar Hòa Bình “lač leh anăn ngă leh”, ba klei jăk mơak kơ mnuih ƀuôn sang.

Ñu mtă kơ dŭm gưl bruă Đảng, êpul brua Đảng, bruă sang čư̆ êa alŭ wăl kƀĭn gĭt gai lar bra ai tiê “hlei mâo ai đru mguôp ai, mâo ngăn drăp đru mguôp ngăn drăp, mâo ƀiă mguôp ƀiă, mâo lu mguôp lu”, kriê dlăng tŭ dưn klei găl čiăng bi leh hdră kñăm lăm lui sang tĭ rưč kơ gŏ êsei ƀun; mbĭt anăn pŏk ngă hrăm mbĭt hdră msir đru kơ mnuih ƀuôn sang mâo bruă mă, amâo djŏ knŏng tlaih ƀun ôh ƀiădah lŏ gĭr mâo klei hdĭp trei mđao, djăp ênŭm hĭn.