VOV4.Êđê - Hrue mbrue (18/9), Khua knŭk kna Phạm Minh Chính lehanăn êpul ngă bruă nao ksiêm dlăng leh anôk rŭ mdơ̆ng 3 boh sang êa drao prŏng hlăm čar Hà Nam, jing anôk tal dua mơ̆ng sang êa drao phung mduôn khua, anôk tal dua mơ̆ng sang êa drao Việt Đức; lehanăn anôk tal dua mơ̆ng sang êa drao Bạch Mai. Jih jang anôk anei mâo leh phŭn bruă mdrao mgŭn bi mklă mơ̆ng hlăk thŭn 2014, lehanăn mphŭn rŭ mkra mơ̆ng hlăk thŭn 2015, bi leh hlăm thŭn 2017, ƀiădah truh kơ ară anei ăt adôk ka leh ôh. Khua knŭk kna mtă kơ phŭn bruă mdrao mgŭn, lehanăn dŭm phŭn bruă djŏ tuôm bi mngač djăp mta bruă adôk gun kpăk, boh nik klei soh čhuai mơ̆ng klei dăp hdră, klei cuăl mkă, klei bi mklă, kuôl kă klei ngă bruă, bruă rŭ mkra...

Boh nik bi klă phŭn agha, lehanăn bruă klam čiăng kơ dŭm bruă ngă truh adôk awăt anăn. Tui si khua knŭk kna bruă duh bi liê rŭ mkra dŭm boh sang êa drao anăn mơ̆ng sui leh, mă bruă lĕ hlăm klei êmưt, nga truh mđĭ ênoh bi liê. bruă anei kbiă hriê mơ̆ng klei awăt hlăm bruă. Khua knŭk kna kmtă brei mkŏ mjing êpul ngă bruă mâo Khua phŭn bruă mdrao mgŭn ngă khua êpul, mâo wăt phung khua kiă kriê dŭm phŭn bruă Čuăk mkă lehanăn duh bi liê; ngăn prăk; Bruă hlue ngă hdră bhiăn lehanăn knơ̆ng bruă sang čư̆ êa Hà Nam nao bi ksiêm jih hdră rŭ mkra anei, ksiêm dlăng hră mơar tui si klei bhiăn, kơ ênoh duh bi liê jih jang, kơ hrue mmông ngă bruă, lehanăn djăp mta klei gun kpăk dôk găn./.

Y-Khem pô mblang