VOV4.Êđê- Khua knŭk kna Phạm Minh Chính mrâo bi klă asăp mtrŭn kơ bruă ktrâo lač kơ dŭm phŭn, dhar bruă, alŭ wăl hluê ngă bruă klam mjêč hlăm hdră krŭ wĭt leh anăn mđĭ kyar bruă duh mkra – ala ƀuôn. Asăp mtrŭn lač klă: Čiăng rơ̆ng hluê ngă ktang phĭt, hrăm mbĭt, mâo boh tŭ dưn hdră anei, Khua knŭk kna mtă kơ dŭm phŭn bruă, Dhar bruă, alŭ wăl hluê ngă ktang phĭt, mâo boh tŭ dưn hĭn dŭm hdră êlan ba mdah hlăm hdră mtrŭn mrô 11 mơ̆ng knŭk kna. Ƀiădah bruă hluê ngă bruă klam ară anei dôk mâo klei êmưt, boh nik jing bruă ba mdah dŭm hră mơar ktrâo lač, hmăi truh kơ bruă hluê ngă dŭm mta kñăm, hdră êlan ba dah leh hlăm hdră. Khua knŭk kna mtă kơ phŭn bruă hdră êlan leh anăn duh bi liê, phŭn bruă mtô mjuăt bi hriăm leh anăn dŭm phŭn, dhar bruă djŏ tuôm bi leh bruă klam dưi jao hlăm mlan 3 thŭn 2022, ngă jăk djăp mta bruă, amâo dưi brei mâo klei êmưt.

Pô mblang: Y-Khem Niê