Hlăm klei bi kƀĭn, dua tĭng  bi trông klă mngač, hlăm ai tiê mkŏ mjing, kah mbha klei thâo, klei mĭn mbruă, dŭm hdră msir kñăm mkra mđĭ wăl bi liê, mnia blei  mơ̆ng Việt Nam, mđĭ klei bi hgŭm bruă duh mkra- bi liê plah wah dua ala čar. Khua knŭk kna Phạm Minh Chính mni bi leh anăn lač kơ kei kah mbha klă mngač mơ̆ng dŭm anôk bruă duh mkra Dhŭng Korea kơ boh klei mnia blei ti Việt Nam leh anăn ƀuăn rơ̆ng bi liê ti Việt Nam hlăm dŭm bruă mrâo.

Anei jing klei bi mklă kơ klei hrăm mbĭt, đăo knang, thâo săng leh anăn kah mbha mơ̆ng anôk bruă duh mkra Dhŭng Korea hŏng Việt Nam hlăm ai tiê  ba klei tŭ dưn, gĭr hgao klei dleh dlan čiăng mđĭ kyar. Hlăm boh klei dlông rŏng lăn mâo klei bi mlih, dleh ktuê dlăng, Việt Nam bi mni kơ klei hgŭm jăk mơ̆ng phung bi liê ala tač êngao, boh nik dŭm anôk bruă duh mkra Dhŭng Korea./.