Bi tuôm hŏng phung nai, lehanăn phung hriăm sang hră gưl prŏng anei, khua knŭk kna Phạm Minh Chính lŏ bi hdơr knhuah gru bi mguôp, hgŭm mƀĭt dua Đảng, dua lăn čar, Khua knŭk kna Phạm Minh Chính čang hmăng, kơ hđeh gưl mrâo ară anei hdơr pioh knhuah gru aê ama pô êlâo, thâo kriê pioh ksul mbŭ klei bi mguôp.

Ƀri wưng anei, Khua knŭk kna Phạm Minh Chính lač jăk kơ knŭk kna lehanăn mnuih ƀuôn sang Campuchia mâo leh klei đăo knang, ruah Việt Nam jing anôk truh, ngă klei bi hgŭm tal êlâo, hlăm bruă mjuăt bi hriăm, mđĭ hnơ̆ng thâo kơ mnuih mă bruă ti Campuchia. Khua knŭk kna čang hmăng kơ sang hră gưl prŏng anei lŏ mâo klei gĭr lu hĭn đru mjuăt bi hriăm mnuih ngă bruă kơ knŭk kna lehanăn phung duh mkra hlăm dŭm bruă duh mkra hŏng tač êngao, mjing klei găl jăk hĭn kơ klei hriăm, ksiêm duah, duh mĭng kơ anôk dôk, anôk hriăm kơ phung hriăm hriê mơ̆ng Campuchia.