VOV4.Êđê - Hruê 25/9, Khua Knŭk kna Phạm Minh Chính mă leh bruă hŏng Anôk dlăng bruă Đảng čar Yên Bái. Khua knŭk kna bi mni kơ klei tŭ dưn mơ̆ng bruă Đảng, Knŭk kna leh anăn mnuih ƀuôn sang čar Yên Bái dưi mâo hlăm wưng êgao. Khua knŭk kna mñă klă, jing krĭng lăn mâo hƀuê ênuk, dhar kreh leh anăn krŭ kdơ̆ng, hŏng lu klei mâo, klei găl leh anăn klei găl êdah kdlưn, Yên Bái mâo djăp ênŭm klei čiăng mđĭ kyar pral leh anăn hơ̆it kjăp; jing čar đĭ kyar man dưn hlăm thŭn 2025.

Khua knŭk kna mtă brei jih ai tiê mđing mđĭ kyar bruă duh mkra, dhar kreh - ala ƀuôn leh anăn răng mgang wăl hdĭp mda mguôp hŏng bruă rơ̆ng klei êđăp ênang ala čar, mđĭ kyar bruă duh mkra ƀiădah brei rơ̆ng klei mtăp mđơr ala ƀuôn, răng mgang wăl hdĭp mda. Hlăm hdră mđĭ kyar brei ktuê dlăng boh sĭt; mđĭ mbha gưl, mbha klei dưi, bi êdah bruă klam pô ba akŏ hŏng klei ksiêm dlăng./.

H’ Zawut pô mblang