VOV4.Êđê- Hruê 12/7, Khua knŭk kna Phạm Minh Chính gĭt gai leh mmông mă bruă hŏng bruă Đảng êpul anôk bruă duh mkra gưl dlông. Klah čŭn knăm anei, Khua knŭk kna lač klă dŭm boh tŭ dưi mâo, dŭm klei êdu kƀah, gun kpăk, hlăm anăn mñă bruă klam kiă kriê, mjing boh kdrŭt, pŏk êlan, mtrŭt mđĭ hdră duh mkra mkăn ka dưi mđĭ lar. Khua knŭk kna mtă kơ anôk bruă duh mkra knŭk kna brei đru mguôp hlăm hdră duh mkra êngiê, ngă phŭn mil pô, ñŭ kma pral kñăm bi h’ĭt hdră duh mkra kluôm. Brei hluê ngă kjăp hdră kriê dlăng bruă pla mjing, blei mnia, mđĭ hdră ksiêm dlăng dŭm êpul bruă Đảng. Khua knŭk kna mtă, brei lŏ ksiêm bi mklă mnuih mă bruă hlăm anôk bruă duh mkra knŭk kna ênuk ară anei, kñăm ba wĭt klei tŭ dưn, mbĭt anăn ksiêm dlăng klei bhiăn, hdră mtrŭn, răng mgang phung knuă druh jhŏng mĭn, jhŏng ngă./.

                                                    Pô mblang: H’Nêč Êñuôl