Hlăm dŭm thŭn êgao, Êpul hgŭm bi mjĕ mjuk mnuih ƀuôn sang Japon mâo leh lu hdră tŭ dưn, đru mtrŭt mđĭ klei bi mjĕ mjuk lehanăn hgŭm hlăm lu mta ra bruă plah wah Việt Nam lehanăn Japon msĕ si: Ba êpul nao ksiêm dlăng hdră duh mkra, mtô bi hriăm, dhar kreh truh ti Việt Nam; pŏk hdră mtrŭt mđĭ bruă duh bi liê – mnia mblei dua ala čar; đru mđĭ klei thâo kơ mnuih mă bruă Việt Nam; bi tuôm lehanăn mjĕ mjuk hŏng dŭm êpul mơ̆ng Việt Nam nao čhưn ti Japon; đru kơ Anôk bruă bi ala Việt Nam ti Japon.

Hlăm wưng ti anăp, Khua knŭk kna Phạm Minh Chính mtă kơ dua tĭng lŏ mđing mjuăt bi hriăm ênuk gưl hđeh mơ̆ng dua ala čar amâo mdei mkra mđĭ lei bi mjĕ jăk siam – jing ngăn drăp yuôm bhăn mơ̆ng dua djuê ana; mđĭ lar dŭm bruă dưi mâo, mă klei hriăm dŭm bruă ka dưi ngă, bi kjăp klei bi mjĕ ƀĭng hgŭm phŭn kluôm dhuôm jing dŭm hdră mă bruă klă sĭt, ba klei bi mjĕ dua ala čar ƀrư̆ hruê ƀrư̆ êlam, klă sĭt lehanăn ba wĭt klei tŭ dưn./.