Tlam mbrue 25/8, ti ƀuôn prŏng Đà Lạt, čar Lâm Đồng, Khua knŭk kna Phạm Minh Chính mă leh bruă hŏng êpul khua kiă kriê bruă Đảng čar Lâm Đồng čiăng ksiêm wĭt jih jang bruă duh mkra ala ƀuôn thŭn 2023, dŭm mlan akŏ thŭn 2024 lehanăn lŏ tă hdră kơ dŭm mlan adôk wưng tinăp, mâo dŭm bruă mghaih msir, lehanăn mâo dŭm klei akâo čiăng mjing boh kdrŭt mrâo kơ klei mđĭ kyar hlăm čar.

Wưng tinăp, Khua knŭk kna mtă, Lâm Đồng lŏ gĭr hĭn jih hnơ̆ng, kđiăm kiă kriê păn kjăp bruă knuă, boh nik hlăm klei hlue ngă dŭm hdră êlan mơ̆ng Đảng, bruă kƀĭn ala, dŭm hdră êlan mơ̆ng knŭk kna, hŏgn klei klă mngač, djŏ hŏng klei knŭk kna, mơ̆ng khua knŭk kna gĭt gai, kñăm čiăng bi leh prŏng hĭn dŭm ênoh čuăn, bruă čuăn kčah mtrŭn leh hlăm thŭn 2024.