Blŭ klah čŭn ti anôk bi tuôm, Khua knŭk kna Phạm Minh Chính bi mni kơ dŭm klei hâo mdah, djăp ênŭm mơ̆ng čar, lehanăn dŭm klei blŭ hrăm klă mngač, jih ai tiê hŏng klei đua klam mơ̆ng phung khua kiă kriê dŭm phŭn dhar bruă. Khua knŭk kna mtă kơ čar Tiền Giang păn kjăp hdră êlan mơ̆ng Đảng, klei bhiăn knŭk kna, hlue ngă dŭm klei čuăl mkă, mđĭ kyar bi kjăp bruă duh mkra ala ƀuôn ti čar.

Khua knŭk kna lŏ kčĕ kơ bruă čuăn, hdră srăng ngă hlăm wưng tinăp, hlăm anăn mñă klă, čar mtrŭn mtam hdră ngă bruă hŏng klei bi sa hnơ̆ng ngă jih ai tiê djŏ hŏng klei čuăl mkă mđĭ kyar čar wưng thŭn 2021-2030, lehanăn hdră leh tă truh kơ thŭn 2050; lŏ bi lar mtrŭt mjhar bi ktang truh hŏng jih jang mnuih ƀuôn sang hlăm čar, mjing klei bi sa ai hlăm klei mă bruă./.