VOV4.Êđê - Tlam 27/3, Khua knŭk kna Phạm Minh Chính mâo mmông mă bruă hŏng khua gĭt gai kmeh gơ̆ng čar Quảng Nam.  Leh hmư̆ klei blŭ mguôp, bi trông, klah čŭn klei bi kƀĭn, Khua knŭk kna Phạm Minh Chính bi mni kơ hdră kñăm čar kčah leh, bi êdah ai tiê đua klam kơ klei đĭ kyar mư̆ng alŭ wăl, mđĭ klei hdĭp mnuih ƀuôn sang.

Kơ klei mĭn gĭt gai Khua knŭk kna mñă klă: Brei ksiêm dlăng, pŏk ngă tŭ dưn Hdră Mtrŭn Klei bi kƀĭn tal XIII mơ̆ng Đảng leh anăn Hdră mtrŭn Klei bi kƀĭn bruă Đảng čar; ba yua, hlue ngă djŏ hdră êlan Đảng, hdră bhiăn mơ̆ng Knŭk kna, klei gĭt gai mơ̆ng Knŭk kna, Khua knŭk kna. Ktuê dlăng boh sĭt, mpŭ klei sĭt, mă boh sĭt jing hnơ̆ng mkăn, kjăp hdră kñăm ƀiădah brei ngă mbruă, rơ̆ng klei tŭ dưn. Ngă mâo boh phŭn, ya bruă ngă bi leh bruă anăn yơh.

H’ Zawut pô mblang