Khua knŭk kna Phạm Minh Chính mă bruă hŏng Khua knŭk kna Campuchia leh anăn Khua knŭk kna Lào
Thứ ba, 00:00, 28/10/2025
VOV TAYNGUYEN
VOV TAYNGUYEN
VOV.Êđê- Aguah (27/10), ti ƀuôn prŏng phŭn Kualua Lumpur, Malaysia, ƀri gưl nao hlăm Klei bi kƀĭn gưl dlông ASEAN tal 47 leh anăn dŭm klei bi kƀĭn djŏ tuôm, Khua knŭk kna Phạm Minh Chính mâo mmông mă bruă hŏng Khua knŭk kna Campuchia Hun Manet leh anăn Khua knŭk kna Lào Sonexay Siphandone.
Hlăm mmông mă bruă, tlâo čô Khua knŭk kna hrăm mbĭt bi trông kơ dŭm klei bi hgŭm mbĭt leh anăn bruă lu ala čar ti krĭng wăl mđing; kah mbha tlâo ala čar dôk gĭr găn klei lông dlăng kơ klei êđăp ênang, kđi čar leh anăn mđĭ kyar bruă duh mkra ala ƀuôn kyua klei bi mlih kơ boh klei dlông rŏng lăn leh anăn krĭng wăl, čih yap klei bi hgŭm dua nah leh anăn tlâo ala čar hlăm wưng êgao mâo knhuang đĭ kyar klă sĭt.
Tlâo čô Khua knŭk kna bi tŭ ư đru kčĕ kơ bruă lu ala čar, krĭng wăl hdơ̆ng mđingl; dŭm bruă djŏ tuôm kơ klei bi hgŭm dua nah leh anăn plah wah tlâo tĭng, bi hgŭm mprăp jăk kơ klei mâo hlăm grăp ala čar hlăm wưng ti anăp.
Viết bình luận