VOV4.Êđê - Hlăm gưl mă bruă ti ƀuôn prŏng Cần Thơ, Khua knŭk kna Phạm Minh Chính lehanăn êpul mă bruă mơ̆ng Knŭk kna nao čhưn, mă leh bruă hŏng phung khua kiă kriê Knơ̆ng bruă mkăp pui kmlă 2, Êpul group pui kmlă Việt Nam. Leh hmư̆ klei hưn mdah kơ bruă duh mkra blei mnia, wưng hluê ngă hdră bruă pui kmlă, Khua knŭk kna Phạm Minh Chính mtă kơ Knơ̆ng bruă brei ksiêm dlăng hdră ba yua dŭm anôk bruă nah gŭ, mnơ̆ng dhơ̆ng dôk mâo lehanăn duh bi liê kơ kdrăp mrâo čiăng mđing truh kơ bruă amâo bi êran hŏng hdăng. Hlăm êdei anăp, brei ksiêm dlăng bruă ba yua phŭn pui kmlă êran hŏng ai angĭn, hŏng pil yang hruê. Kơ dŭm hdră bruă hlăm Anôk bruă pui kmlă Ô Môn, Khua knŭk kna mtă kơ Phŭn bruă Tuh tia mnia mblei, Êpul group pui kmlă Việt Nam (EVN), Êpul group êwa čuh Việt Nam (PVN) bi hgŭm tĭng dlăng kluôm hnơ̆ng êwa čiăng kñăm ba yua dŭm Sang maĭ Ô Môn I, II, III, IV./.

H’Nêč pô mblang